إزيكو يا جماعة، أنا أحمد مسعد. عملت الموقع دا عشان يبقا مرجع لأي حد حابب يشتغل فريلانسر أونلاين ويتميز في مجاله. تحت هتلاقي أقسام الموقع وتعرف أكتر عن كل قسم.
جروب الفيسبوك هو المصدر الأساسي للأسئلة والنقاش اللي الموقع دا معمول عشانهم. تقدر تشاركنا بأسئلتك وتفيدنا بخبرتك في الجروب لو حابب.
إذاعة وحوش الفريلانس هتبقا فيها حلقات بتكلم فيها لوحدي وحلقات تانية معايا فريلانسرز بنتناقش في أهم نقط نجاح أي فريلانسر ونستفيد من بعض ونفيدكو معانا.
هنا هتلاقي أكتر الأسئلة اللي بيسألها أي فريلانسر سواء جديد أو بدأ بس عايز يتميز أكتر. بتتجمع في القسم دا بطريقة منظمة عشان أي حد يوصلهم بسهولة.
الفيديو الإسبوعي الجميل هيا فقرة بدأتها على الفيسبوك بشارك فيها الناس بأفضل فيديو فادني كفريلانسر خلال الإسبوع. معادها كل يوم ثلاثاء بفيديو مختلف.
لو أنت محتاج حد يعملك شغلانة معينة ومكسل تعمل أكونت على موقع مخصوص للوظايف هتقدر تنزل الشغلانة هنا منغير ما تسجل أصلا. ولو أنت بتدور على شغل ممكن تلاقي هنا برضه.