جروب الفيسبوك

مقدمة عن جروب وحوش الفريلانس

آلية عمل الجروب

الجروب هو للأسئلة المباشرة عن الفريلانس، فا أي حد في الجروب هيقدر ينزل سؤاله وأي حد عارف حل المشكلة أو عنده رأي هيقدر يقوله. والأسئلة الشائعة هيتعمل عنها فيديو شامل ويتضاف على سلسلة الفيديوهات دي.

تعليمات الإنضمام والمشاركة في جروب وحوش الفريلانس

تعليمات متعلقة بالبوستات (المنشورات) :

• البوستات للأسئلة المباشرة فقط، ويمنع كتابة اي نوعية بوستات اخرى سواء إنجازات شخصية وغيرها. ممنوع برضه نشر أي حاجة من صفحات تانية على الفيس أو البروفايل الشخصي.

  لما ننزل فيديو أو بوست جديد بيرد على تساؤلات على صفحتنا، هنشيره على الجروب ونقفل الكومنتات بحيث ميغطيش على الأسئلة وفي نفس محدش يسأل عن الموضوع دا تاني.

• تقدر تعرف البداية في الفريلانس من سلسلة الفيديوهات دي. فا حدد سؤالك أو مشكلتك ومتقولش إزاي أبدأ وخلاص.
• حط تفاصيل على قد ما تقدر في سؤالك ولو جربت حل ومنفعش معاك قول كدا عشان محدش يقترح نفس الحل تاني. دا هيخلي عدد أكبر يرد على سؤالك منغير تضييع وقت حد.
• ممنوع السؤال عن كيفية البداية في أي مجال شغل. اتعلم مجال وبعدين أسأل في الجروب عن أي حاجة متعلقة بالفريلانس.
• ممنوع السؤال عن طرق سحب الأرباح وسيتم عمل بوست لمناقشة المشاكل كل فترة وتجميع أفضل حلول لسحب الفلوس على الموقع. بص على البوست المثبت هتلاقي لينكات للبوستات الخاصة بطرق السحب. لو عايز تقترح النقاش في طريقة غير مذكورة في البوستات، ابعتلنا على صفحة الفيسبوك
• لو عايز تاخد رأي أعضاء الجروب في البروفايل بتاعك على أحد مواقع الفريلانس زي Upwork أو الgig بتاعتك على fiverr، تقدر تشارك اللينك في كومنت في البوست دا فقط (اللينك موجود في البوست المثبت عشان لو احتجته في أي وقت).
• ممنوع طلب أو عرض وظائف في الجروب.
• يمنع عرض أو السؤال عن كورسات أو أي شيء مدفوع بالمجان.
• الصور المرفقة مع البوست لازم يكون ليها علاقة بالسؤال. فا ممنوع أي صورة للفت النظر أو مكتوب عليها "بص على السؤال" وخلافه
• ممنوع السؤال عن أشخاص عشان تعملو مجموعة مع بعض أو شركة وخلافه.

تعليمات متعلقة بالكومنتات (التعليقات) :

• ممنوع الرد على أي سؤال مخالف. تقدر تعمل "report to admin" للبوست عشان أحد الأدمنز يحذفه. أو تنبه صاحب السؤال بإن سؤاله مخالف عشان يمسحه وميتحذفش من الجروب.
• ممنوع عمل رفع للبوستات عند عدم الرد عليها بكتابة up أو نقطة وخلافهما.
• كومنتات البوست بتكون للرد على السؤال الأساسي للبوست وممنوع الخروج عن السياق وطرح سؤال ليس له علاقة بالبوست. تقدر تسأل في بوست جديد.
• مينفعش تنزل بوست وتعمل منشن لشخص واحد عشان يرد عليك، السؤال ينزل للكل وممكن تسأل الشخص دا عن طريق رسالة مباشرة أو غيرها بس الجروب ملهوش دعوة.

تعليمات عامة :

• الكتابة باللغة العربية أو الانجليزية فقط وممنوع الفرانكو وغيره من الألغاز.
• ممنوع النقاش في السياسة أو الدين نهائيا (لو عايز فتوى اسأل شيخ أو مؤسسة إسلامية).
• ممنوع السخرية من أعضاء الجروب حتى ولو على سبيل الفكاهة.
• ممنوع التواصل مع الأدمنز على الفيس بوك بس تقدر تبعت شكوتك عن طريق صفحتنا على الفيسبوك وهيبقا في شخص أو أكتر مسؤولين عن حل المشاكل بتاعة أعضاء الجروب.