نظام الشغل بالساعة في upwrok كالآتي:
1- بتنزل برنامج upwork team tracker وأول ما تيجي تشتغل (وقت الشغل الفعلي) بتحدد الcontract بتاع الشغل وتدوس start وسواء قعدت ساعة أو نص وبعدين عايز توقف شان تاكل مثلا بتدوس stop عادي
وتدوس start عشان تكمل وهكذا.
فا بكدة بتخليه يحسب وقت الشغل الفعلي بس.
2- لو حصل عطل في البرنامج أو انت نسيت تشغله أو كان فيه شغل على ورق مش اللاب. تقدر تعمل submit hours manually
يعني بتفتح الcontract وتقول أنا اشتغلت من الساعة كذا لكذا مثلا.
ملحوظة: الاختيار التاني لازم العميل يوافق على الساعات دول بنفسه. عكس الاختيار الاولاني لأنه بيصور الشاشة وكدة وأب وورك بيضمنلك الساعات اللي تم حسابها من الtracker
أخيرا لازم تبقا متفق مع من الأول إن الشغل مثلا هيبقا 5 ساعات في الأسبوع أو المشروع كله هياخد من 20 ل 30 ساعة. عشان متختلفوش في الآخر.
الأسبوع بيخلص يوم الأحد بتوقيت UTC وبداية من يوم الإثنين، الفلوس بتتنقل من خانة الin progress إلى خانة in review وبعدها 5 أيام (يوم السبت) بتبقا في خانة Pending وبعدها ب5 أيام (يوم الأربعاء) بتبقى متاحة للسحب
ودي صورة موضحة الموضوع ببساطة
لتفاصيل أكتر تقدرو تشوفو المقال الرسمي عن الموضوع دا من موقع أب وورك من هنا