أهم نقطة لازم تكون فاهمها هيا إنك متلومش حد غير نفسك. لو شايف إن العميل واخد ريفيوهات وحشة أو مثلا في Upwrok بيقول الhire rate كام في المية عشان تعرف هو بينزل شغل وبيبص على البروبوسالز ولا لأ. لو لقيته بيهزر خلاص متقدمش على الشغلانة. إنما لو قدمت وهو معبركش يبقا كانت غلطتك من الأول
نفس الكلام لو الموقع مش عاجبك شوف غيره. لو التخصص مش عاجبك برضه اتعلم تخصص تاني.
تاني أهم حاجة بقا إنك تبقا عارف إن غالبا أنت السبب إنه مشافش البروبوسال بتاعك أو مقبلهوش
نشوف كدا العميل بيظهرله إيه لما حد يقدم على الشغلانة بتاعته
أكيد كل موقع بيبقا ليه طريقة مختلفة شوية بس فيه حجات ثابتة في معظم المواقع زي الصورة والtitle وcover letter. باختصار كدا هنشوف ليه هو ممكن ميقبلكش.
- لو صورتك كانت مش بروفيشنال أو كنت مكشر فا ممكن يتقفل منك وبالتالي ميبصش أصلا على البروبوسال بتاعك
- الtitle بتاعك مكانش موضح أنت بتعمل ايه بالظبط هو محتاجه فا بالتالي ممكن أي فريلانسر تاني مقدم على نفس الشغلانة يلفت نظر العميل بtitle أحسن فا العميل يبدأ في قرائة البروبوسال بتاعه
- لو بدأ بالفعل في قرائة أو سطرين من البروبوسال بتاعك وحس إنك واخده نسخ وبتبعته لكل الشغلانات زي ما موجود في الصورة اللي شفناها من شوية، مش هيفتح باقي البروبوسال عشان يكمل قرائة
- لو قرأ باقي البروبوسال بتاعك ممكن ميحسش إنك فهمت مشكلته ومش مناسب للشغلانة فا ميقبلكش
وفي أسباب تانية كتير طبعا. المهم تبقا اقتنعت إن فيه نقط كتير أوي لازم تحسنها عشان تزود فرصة قبولك في الشغلانة دي.ودي شوية مصادر هتساعدك عشان تتجنب الأخطاء دي وتزود فرصة قبولك في الشغلانات اللي هتقدم عليها في المستقبل.
- حجات لازم تفهمها عشان تميز نفسك عن المنافسين
- نقاش بين فريلانسرز متميزين عن إزاي هما بيختارو العملاء ويقدمو على الشغل وأكتر
- 7 أخطاء لازم تتجنبهم وأنت بتقدم على شغل
طبق النصايح اللي في المصادر ديه وهتشوف فرق ملحوظ في نسبة قبولك في الشغلانات اللي هتقدم عليها.