أعتقد في 4 أسباب أساسية للتجاهل دا:
1- عميل بيهزر وبينزل شغل كتير ومش بيعمل انترفيوهات او hire لحد. والحل إنك تتأكد إن ال hire rate بتاعه عالي قبل ما تقدم على الشغلانة.
2- إنه بيستنى فترة كبيرة – ساعات أكتر من شهر – عشان يجيله أكبر عدد من العروض وهو مش مستعجل على الشغلانة. فا ممكن تستنى، أو تقدم على الشغلانات اللي العملاء قايلين فيها إنهم مستعجلين وعايزنها تخلص خلال فترة معينة.
3- إنه لقى فريلانسر على موقع تاني أو من منطقته مثلا ..الخ فا خلاص الشغلانة اللي على أب وورك ملهاش لازمة فا بيقفها.
4- إنه ملقاش الفريلانسر اللي هو عايزه، فا بيقفل الشغلانة ويطنش المشروع بتاعه أو يروح يدور في موقع تاني.
فا اعمل اللي عليك وتحرى عن العميل وتفاصيل الشغلانة قبل ما تقدم.