قفل العقد في حد ذاته مش بيأثر على البروفايل أو الjss. اللي ممكن يأثر على الjss هو الفيدباك بتاع العميل سواء البرايف أو البابلك. أو لو مداش فيدباك خالص هو وكذا عميل تاني.
عشان تحاول متطلعش بخساير، ممكن تبعت رسالة للعميل توضحله إنك قفلت العقد عشان ميأثرش على بروفايلك بالسلب (لإن العقد لما يفضل مفتوح فترة طويلة منغير شغل بيأثر على الjss)، وقوله إنك مبسوط بالشغل معاه، ولو احتاج أي حاجة تاني يقدر يبعتلك مسج وهتساعده. دا هيطمنه لإن فيه عملاء بيخافو يقفلو العقد لحسن ميوصلوش للفريلانسر تاني.
وطبعا لازم تفكره بإنك عملتله شغل كويس وتقوله ياريت تاخد من وقتك دقيقة وتكتبلي ريفيو إيجابي لإنه هيفدني جدا.
وعشان تسهله الدنيا أكتر، اكتبله review example يقدر ياخده كوبي بيست، أو يعدل عليه لو حابب لو مستعجل ومش عابز يضيع وقت كتير في كتابة الريفيو.