الفيديو الإسبوعي الجميل 😀
لما بفصل من الشغل شوية أو وأنا باكل مثلا بحب أتفرج على فيديوهات من اليوتيوب، ساعات بتبقا فيديوهات هلس وساعات بتبقا فيديوهات ملهاش علاقة مباشرة بمجال شغلي، بس بتفيدني عموما.
فيديوهات مثلا بتساعدني أتعلم أسرع، أحسن طريقة كلامي، أخطط اليوم إزاي وهكذا حسب الحاجة اللي بحسها نقصاني فا بدور على فيديوهات عشان تساعدني أقوي النقطة دي.
عشان عارف إن الفيديوهات دي هتفيدكو أوي، هختار كل أسبوع أحسن فيديو من اللي أنا شوفتهم وأكتب عنه نبذة بسيطة وأشاركه معاكم 😀
هنبدأ الأسبوع دا بفيديو عن إزاي تتعلم أي حاجة أسرع عن طريق إنه هيقولك 5 نصائح وهيفسرهم كويس بأمثلة.
أسيبكم مع الفيديو، معاه English Subtitles عشان لو حد مش قوي أوي في الإنجلش.