كتير أوي مننا بينسى سواء الحجات اللي بيذاكرها أو أسامي أشخاص وغيرها من الحجات المهمة.
في حجات كتير بتتكتب بس فيه أكتر منهم صعب يتكتب أو ممكن نقول ساعات بتبقا مضطر تفتكر زي وقت الإمتحان إنك تفتكره بعقل، حتى لو مش مقتنع إنك تقدر تفتكر كل المعلومات دي.
في أسبوعنا السابع معانا فيديو بيتكلم عن إزاي تمرن عقلك على إنه يفتكر أي معلومات أنت محتاجها في وقت قليل 😀
كالعادة، متنسوش تشيروه مع صحابكو اللي هيستفيدو منه، وإنجوووي وكدة
السلام عليكم ورحمة الله وبركاته ..
أزيك يا باشمهندس أحمد .. أنا كنت متابع حضرتك من 3 سنين عن طريق الصدفة من موقع يوتيوب وبالفعل اشتغلت فريلانسر .. اه مش محترف بس الحمد لله بدأت ترزق وعال العال .. بس عندي مشكلة عويصة جدا … ومحتاج حد يفسرها لحد دلوقتي كل الردود غير مقنعة .. ومحتاج حل لو أمكن ..
أنا بدأت على موقع أبوورك .. ومن ثم على موقع فريلانسر .. أول اكونت على أبوورك عملت حوالي 5 أعمال في أول شهر .. تاني شهر قفلوا الأكونت Temp. Suspended … مسكتش طبعا وعملت أكونت تاني وعملت 3 أعمال أول شهر .. وقبل ما أبدأ التاني كانوا قافلين الأكونت برضه .. هل في حل إني أرجع الأكونت دا ؟؟ ولا أعمل واحد بايميل جديد ؟ مع العلم اني الحمد لله عامل شغل كويس على فريلانسر لحد دلوقتي والأكونت ولا حد جه جنبه من 3 سنين ..
أرجو الرد وعذراً للإطالة .. ورمضان كريم